High Court-in MCS la rih lo turin a ti
Gauhati High Court, Aizawl Bench chuan Mizoram sorkar leh MPSC chu Mizoram Civil Service (MCS) la thar rih lo turin a hriattir.
Thu dawn danin, Mizoram sorkarin departmental promotion-a MCS-a lut turte post chu a hup bo nia ngaiin, High Court-ah petition thehluh a ni a; High Court chuan nimin khan thuremna a ti-chhuak. Mizoram sorkar chu MCS junior grade thar lakna kalpui rih turin a hriattir a ni.
High Court order-a a lan danin, tuna MPSC-in Combined Competitive Examination 2015 a buaipui meka MCS junior grade 10 lak tur pawh titawp rih tura tih a ni bawk.
Hetih lai hian, MPSC chuan Combined Competitive Examination 2015 a kalpui mekah MCS 10 lak tel tur a ni a, preliminary exam pawh June 19, 2015-ah ṭan tur a ni. MPSC hotute chuan, High Court order chungchangah hian thil tih zui dan tur an la sawiho dawn tih Vanglaini an hrilh.