KHAWTHLIR

NSS-in thisen pe

CZ Higher Secondary School NSS chuan nimin khan Kolasib District Hospital tan thisen unit 64 an pe a, petute mipa 44 leh hmeichhia 20 an ni.

MRB-in pawisa pe

Mizoram Rural Bank chuan 'The Rights of Persons with Disabilities Act, 2016 and Rules, 2017' tih Mizo ṭawnga lehlin leh a bua siamna senso atan CSR kaltlangin Persons with Disabilities Commissioner hnenah Rs 2,00,000 an pe. MRB chairman Sheryl L Vanchhong-in nimin khan PwD commissioner Vanlaldiki Sailo hnenah pawisa (cheque) a hlan a ni.

DC-in hmanpui

KVK Serchhip leh MzSRLM District Mission Managment Unit chuan nimin khan East Lungdara Thangbura Hall-ah Krishi Swarna Samriddhi Week (Golden Jubilee celebration) an buatsaih a, Serchhip DC Paul L Khuma'n a hmanpui. Animal Health Camp cum Anti-Rabies Vaccination buatsaih niin, ran vulhtu mi 110-in an chhim a, ui 30 hnenah ui â hri danna pek a ni. Bawrhsap hian North Vanlaiphai KVK-ah cold storage a hawng bawk.

Ṭanpuina hlan

Governor Dr Hari Babu Kambhampati chuan Armed Forces Flag Day 2024 puala sipai leh an chhungte zinga chhawmdawl ngaite tana vehbûr khawnah nimin khan Sainik Welfare & Resettlement hotute hnenah pawisa a hlan. Pawisa inhlanna hi Raj Bhavan-ah buatsaih a ni.

General pool accommodation

Lawngtlai DC Cheemala Siva Gopal Reddy hoin nimin khan sorkar hotute'n sorkar hnathawkte chenna tura sorkar ruahmanna General Pool Accommodation chungchang an sawiho. Department hrang hrangte'n an department-a thawktu awm zat bakah, quarters an mamawh dan tlangpuite chu DC-ah ziaka thehluh ni se, an ti. DC office hian GAD-ah an thehlut leh dawn a ni.