Mathematical Olympiad Exposure Camp

Pachhunga University College-a Mathematics department, Homi Bhabha Centre for Science Education, Mumbai leh National Board for Higher Mathematics-te chuan nimin aṭang khan PUC Seminar Hall-ah Mathematical Olympiad Exposure Camp an buatsaih ṭan a, Education minister Dr Vanlalthlana'n a hmanpui.

Mathematical Olympiad Exposure Camp hi Mizo naupangte'n mathematics zirnaah hma an sawn theih nan leh state dangte ruala ke an pen ve theihna atana ruahman a ni a; sikul 16 aṭangin pawl 9, 10 leh 11 zirlai 90 an tel. Camp hi tun kar chhung neih tur a ni a, December 13, 2024-ah khar a ni ang.

Dr Vanlalthlana chuan, mathematics thiam chu ngaihtuahna tihriamtu a nih thu sawiin, "Engineering, science, commerce leh economics lamah pawh mathematics zirna chhunzawm turin mathematics thiam a ngai," a ti a; Camp kaltlangin zirlaite'n mathematics-ah phûrna thar an neih ngei a beisei thu a sawi.