Khawzawlah Youth Festival hmang

Nehru Yuva Kendra (NYK), Champhai leh Khawzawl College bultumin nimin khan Khawzawl College Multipurpose Hall-ah Youth Festival (Yuva Utsav) hmang a ni a, Khawzawl SP F Lalbiakzauva'n a hmanpui.

Youth Festival (Yuva Utsav) hi Ministry of Youth Affairs hmalaknain ṭhalaite'n ram hmangaihna an neih zawk nan te, khawtlang leh ram tana thawh chakna an neih nan te leh harsatna hrang hrang sukiangtu an nih theih nante huaihawt a ni a, inzirtirna leh infuihna bakah intihhlimna hun hman ṭhin a ni.

SP F Lalbiakzauva chuan, zirlaite chu festival kaltlanga ram hmangaihna nei a, mahni theihna leh thiamna ram tana hmang ṭangkai turin a sawm a, "Chhungkua enkawla khaidingtu ni thei turin nun uluk a pawimawh. Ruihhlo, mipat hmeichhiatna hman khaw loh leh awhna sual lakah fihlim tum ula, social media hi ṭangkai takin hmang ang che u," a ti a, zirna leh hnathawhnah taimak chhuah zel turin a fuih bawk.

He hun hi asst. professor Lalramlawmi'n a kaihruai a; principal Lalruatmawii leh NYK Team Champhai aiawh K Hmingthanga ten thu an sawi bakah Zuchhip Branch YMA leh NYK Competition-te'n cultural show an nei a, chawhnuah intihhlimna hun hman a ni.