Truck-in motor 5 a hnawl; mi pakhat thi
Nimin zing dar 7:30 vel khan bawlhhlawh phûr LPK 407 truck MZ-01 D-9776, John Timothy Hmar (35), Churachandpur, Manipur khalh, MacDonald Hill panna kawng chung bera chhuk zawnga tlan thla chuan mihring leh lirthei eng emaw zat a sû a, a sut zinga mi Zoremliana Hauhar (29) s/o Lalzarliana Hauhnar, Zarkawt a thi.
Thu dawn danin, truck hian Celio car, Maruti 800 car, taxi pahnih leh Beat car a su a, lirtheia chuang mi pathum leh kea kal mi pahnih an hliam. Hliam zinga mi Zoremliana Hauhnar, Zarkawt chu damdawi-in panpui a nih hnuah a hliam tuar loin a thi a ni.
Chetsualna thlen dan hi police-in ngawrh takin an chhui zui mek a, thil thlen chhan tak hriat a la ni lo. Truck khalhtu chu John Timothy Hmar chuan truck hi a brake a fail niin Traffic police-te a hrilh a; John Timothy hi thu zawhfiah atan police-in an la a ni.