World Environment Day hmang

Nimin khan khawvel hmun dang rualin Mizoram hmun ṭhenkhatah World Environment Day hman a ni.

World Environment Day hi Champhaiah chuan DFO office-ah hman niin, DC H Lalengmawia khuallian a ni.

H Lalengmawia chuan, "Hma hun lam thlir nachang hre lêk loa ramngaw leh nungcha kan tihchereu ṭhin avangin tunah hian tui leh sik leh sa inthlakah harsatna kan tâwk ṭan mek a; hemi kawnga ṭhangharh tawhte hian a la hrethiam ve lote hnenah hian kan hrilhhriat a ngai a ni," a ti.

Zoram Entu Pawl pawhin nimin khan Mont­fort School, Hualngohmunah World Environment Day an hmang a, 'One world, one environment' tih thupui hmangin Drawing Competition an buatsaih a, zirlai 241 an tel. World Environment Day hmannaah hian Chhimphei tlangdung, Tlangnuam leh Phulpui inkara khaw hrang hrang aṭangin mi eng emaw zat an tel a ni.