Leimin chungchanga Inrâwnkhawmna buatsaih

Geology and Mineral Resources department leh Science and Technology department ṭangkawp chuan nimin Aijal Club-ah Mizorama leimin chungchanga inrâwnkhawmna, ‘Consultation meeting on Landslides in Mizoram’ an buatsaih a; parliamentary secretary (GMR) Joseph Lalhimpuia'n a hmanpui.

Joseph Lalhimpuia chuan, Mizoram harsatna chu khawvel hmun danga an tawh ve zen zen loh a nih thu sawiin, "Kan ram leilung a ngheh loh avang­in mithiamte’n thurâwn min pek ṭhat a ngai. Ruai ṭheh leh thil tihkhawm nikhuain paih nghal mai theih thleng leh no kan hmang uar ta hle a, a paih danah kan fimkhur tawk loh avangin kan khawpui leh a chheh­vel lui dungte a tibawlhhlawh nasa hle a, leilung a khawih pawi theih dante bihchian a ṭul a ni," a ti.

Meeting hi GMR di­rector Dr H Lallen­mawia'n a kaihruai a; Mizo­ram chhunga college hrang hrang aṭanga mithiamte paper buatsaih an zirho a ni.