Lungleia bank-te hnathawh thlir lêt
Lunglei khawpuia bank hrang hrang hotute chuan nimin khan Lunglei DC Ashish Madhaorao More hoin DC conference hall-ah December 2014 leh March 2015 inkara bank hrang hrangte hnathawh an thlir lêt.
Lunglei DC chuan, bank kaltlanga sorkarin mipuite hamṭhatna tur scheme hrang hrang a kalpui mekah Lunglei chhunga bank-te chu an ti ṭha thawkhat tih a sawi a; education loan pek chhuahna kawngah erawh ṭan an lak a ngai tih sawiin, "Mipuite'n bank kaltlanga heng hamṭhatna awmte hi an hriat zau a ṭul a, chanchinbu leh media dang hmanga mipuite hriattirna chhuah tam a ngai a ni," a ti.
Lunglei-ah hian bank pariat - State Bank of India, IDBI, HDFC Bank, Axis Bank, Canara Bank, Apex Bank, Syndicate Bank leh Mizoram Rural Bank-te a awm a ni.