IWMP-MGNREGA kal kawp dan tur zirho

Lunglei Rural Development (RD) Block chhunga village council member atana thlan tharte tan nimin khan Lunglei BDO office conference hall-ah IWMP leh MGNREGA kalpui kawp dan zirhona buatsaih a ni.

Training hmanpuitu, Lunglei DC Ashish Madhaorao More chuan, MGNREGA chu sorkar programme pakhat ni satliah mai loin, dan (act) a nih thu a sawi a, "India danpuiin MGNREGA chungchanga thuneihna hi officer liante kutah dah loin, mipui hnaih bertu V/C-te kutah a dah a ni. Chuvangin, MGNREGA hnuaia hna chhawpte chu mipuite hmasawnna thlen theih tur ngei thlan thiam a ngai," a ti.

Lunglei RD Block chhungah hian khawpui (urban)-ah khua/veng 23 leh thingtlang (rural)-ah khaw 39 a awm a; kum 2014-2015 chhung­in MGNREGA hnuai­­ah ni 23 inhlawhna siam a ni. Job card nei mi 16,423 awmin, Mizoram pum­ah Lunglei RD Block hi job card nei tamna ber block a ni.