MJA member râlna hlan

MJA member thi ta, DK Sona, Lawngtlai chu Inrinni khan MJA hmingin râl a ni a, MJA president Vanlalrema Vantawl-in MJA hminga ràlna Rs. 10,000, sorkar aṭanga ràlna (ex-gratia) Rs.1,00,000 leh a damloh laia inenkawlna senso Mizoram Journalist Welfare Society-in a pek Rs. 40,000-te chu DK Sona nupui Lalzawmpuii hnenah a hlan.

MJA Lawngtlai District hminga râlna dekchi lian chu district president V Lal Lianzuala'n a hlan bawk.

MJA president Vanlalrema hian nimin khan Lungleia MJA member thi ta Lalruatpuia Zadeng chhungte hnenah MJA hminga râlna Rs. 10,000 chu a hlân leh a ni.

MJA President hi Lawngtlai MJA member-te nen an inkâwmho nghal a; Vanlalrema Vantawl chuan, Press Enclave nei tura hmalakna chu thui tak kalpui a nih tawh thu leh, Press Accriditation Rules siam danglam a nih theih nan hmalak mek a nih thu a sawi. Inkawmhonaah hian Lawngtlai IPRO K Saitluanga pawh a tel a ni. MJA president hian June 5 khan Sangau-a chanchinbu mite a tlawh bawk a ni.