AMC thuneihna pek belh tum a ni

UD&PA department hotute leh Aizawl Municipal Council (AMC) hotute chu June 5, 2015-a UD&PA minister Zodintluanga hoa a pisaah an ṭhukhawm chuan, Indian Constitution 12th Schedule-in urban local body-te tih tur a siam 18 zinga AMC kuta la hlan loh 10-te hlan dan tur kawng zawn ni se, an ti.

AMC Performance Review Committee-ah hian Constitution 12th Schedule-in urban local body-te tih tur a tuk 18 zinga pariat - urban planning; in sak chungchang; mipui hriselna leh khawpui vawn fai; slum area tihhmasawn; khawpuia miretheite hmasawnna; thlanmual ram; mitthi phûm leh hâl; vantlang mamawh - street light, parking lot, bus stand, etc; khawpuia mipuite khawsak phung tihhmasawn leh ei leh bara intodelhna ngaihtuahte chu AMC kutah dah a nih tawh thu tarlan a ni.

AMC khawih tur, AMC kuta la hlan loh 10-te chu hlan thuai a nih theih nana hmalak an rel a; AMC nodal department UD&PA-in a bawhzui ang a, a kaihhnawih sorkar department hrang hrangte dawr kual tura tih an ni.

AMC chhunga local council thar din chungchangah dan siam ṭhat a ṭul nia siamṭhat ni se, an ti a; LC thar siam belh a nihin, sum sen belh ngai leh thil ṭul dang kaihhnawih a ngah avangin LC thar siam dawna zawm ngei tur tehkhâwng mumal siam ṭha an ti bawk.

Meeting-ah hian UD&PA secretary Dr C Vanlalramsanga, AMC CEO M Zohmingthangi leh UD&PA leh AMC hotu dangte an tel a ni.