Pawl 5-in thisen Unit 133 an pe

June 6, 2015 khan Mizoram hmun hrang hrangah pawl pangain thisen an pe a, thisen an pek zat belhkhawm chu unit 133 a ni.

Reiek Branch YMA-in YMA Day pualin Synod Hospital-ah unit 48 an pe a, a petute mipa 43 leh hmeichhia panga an ni. Model Veng Branch KṬP-in June 12-a an Rising Day vawi 16-na thleng tur pualin Aizawl Civil Hospital-ah unit 20 an pe a, a petute mipa 19 leh hmeichhia pakhat an ni.

Adventist Youth Federation, Lunglei-in Lunglei Civil Hospital-ah unit 27 an pe a, a petute mipa 21 leh hmeichhia paruk an ni a; Saiha ṬKP-te'n Saiha District Hospital-ah unit 26 an pe a, a petute mipa 20 leh hmeichhia paruk an ni.

Champhai Zotlang Drivers Welfare member mipa 11 leh hmeichhia pakhat ten Champhai District Hospital-ah unit 12 an pe bawk.

AVBD chuan thuchhuah siamin, June 12, 2015-a World Blood Donor Day hmannaa thisen pe ṭhate chawimawina hlan turah, June 10 thleng mimala thisen pe ṭha inhriattir theih a nih thu an tarlang a; mipa thisen vawi 30 pe tawhte leh hmeichhia thisen vawi 20 pe tling tawhte chu Civil Hospital, Aizawl leh Lunglei blood bank-ahte Donor Card kenga inhriattir turin an ngen a ni.