Hnahlanah grape chin dan zir

Agriculture Technology Management Agency (ATMA), Champhai buatsaihin June 5 khan Hnahlan Grape Growers Society hnuaia loneitu thlanchhuah mi 30 hnenah hlawk zawka grape chin dan inzirtirna leh mithiamte nena inrawnhona Hnahlan YMA information building-ah neih a ni.

ATMA project director Lal­thanzuala chuan grape chinah Champhai district a hmingṭhat chhan chu Hnahlana grape chingtute an thawhrim vang nia sawiin, grape chingtute chu training chu hlawh taka hman tum turin a chah.

Training-ah hian grape chingtute chu rannung thahna hlo, lei ṭha leh hmanraw pawimawh dang pek an ni.