Paragliding World Championship ṭan

Nimin khan Serchhip Bawngchawmah International Paragliding World Championship ṭan a ni a, Serchhip bawrhsap Paul L Khuma, Organising Committee chairman ni bawkin hawngin, pilot thlâwk chhuak hmasate a vailiam.

International Paragliding World Championship hi December 13, 2024 thleng neih a ni dawn a, mi 30 an tel. India ram aṭangin parachute pilot 17 an tel a, chu'ng zinga pariat chu Mizoram aṭanga tel an ni. South Korea, Nepal, Kazakhstan leh Indonesia aṭanga tel an awm bawk. FAI kaltlangin tel tura inziak lut mi 79 an awm a, mahse, harsatna avanga India ram rawn thleng thei lo an awm a ni.

Championship neih chhung hian Zawlpuiah man chawia paragliding-a thlâwk duhte tan thlawh theih a ni dawn a, nghakuai chiah hun buatsaih a nih dawn bakah, zan lamah concert buatsaih a ni dawn.