Tlabungah MPACS pisa hawng

Tlabung Zodina Multi Purpose Primary Agricultural Credit Societies (MPACS) pisa thar chu nimin khan Mizoram Cooperative Apex Bank Ltd. chairman Lalnunsanga'n a hawng. Tlabung MPACS Ltd. hian A class member 41 leh B class member 81 an nei a ni.

MPACS hi Society Act hnuaiah sumdawnna chi hrang hrang khawih thei tura duan niin, RBI phalna hnuaiah pawisa dah leh pûk theihna a ni a; bank-in an tlawhpawh loh India ram thingtlang khaw hrang hranga bank aiawh thei tura duan a ni.

Lalnunsanga chuan, Tlabung MPACS member-te chu rinawmna leh taimakna nen MPACS kalpui turin a chah a; chutianga an kal chuan an chhehvela cheng mipui tan hmasawnna rahbi pawimawh tak a nih ngei a rin thu a sawi.