Youth Commission tirh Mizo nula 23 thlah

Mizoram Youth Commission (MYC) tirha Noida-a training tur Mizo hmeichhe 23-te chu, nimin khan MYC pisa kawt aṭangin minister C Ngunlianchunga'n a vai liam.

C Ngunlianchunga chuan, sorkarin ṭhalaite tana khawvel thar din a tumna kawngah MYC kaltlangin hmalak mek a ni tih sawiin, "Hlawhtling tur chuan rinawmna, taimakna leh tumruhna a pawimawh. Khawi hmunah pawh mi hlawhtlingte chu hlawhchhamna an tawh pawha beidawng duh loa bei ṭâlh ṭâlh, tuarchhel leh taimate an ni," a ti a; training turte chu nawmsak hmasak tum lo a, chhel taka awm turin a chah.

MYC chairman T Sang­kunga pawhin thu sawiin, "Ṭha taka training chhuakte chuan India ram mai ni lo, khawvel hmun dang thlengin hna ṭha tak tak an hmu thei dawn. Ti ṭha peih lote erawh chu nakin lawkah beidawngin an lo haw ang," a ti.

Hmeichhe 23-te hian Noida-ah hian thla ruk chhung hair & beauty/make-up an zir dawn a ni.