CYMA-in sorkarah rawtna thlen

Central YMA chuan Chakma dan loa Mizo­ram­a rawn lutte dap chhuah an nih theihna atana pre-survey an neih hnuah, hmalak zel dan tur ngaihtuah tura meeting ko turin Home department-ah rawtna an thlen.

CYMA hruaitute hnen aṭanga thu dawn dan­in, CYMA aiawha Chawngtea kalte leh Central Young Chakma Association (CYCA) hruai­tute chu Home department kaihhruai­na hnuai­ah Chawngteah an ṭhu khawm a; CYMA leh CYCA aiawhte chuan Mizoram­a dan loa Chakma lutte dap chhuak tura sorkar hmalakna theih­tawp chhuaha thlawp dawn tih ziakin an nemnghet.

CYMA hruaitute chuan, Chakma chhiarpui neih an tum chu an ṭhulh loh thu sawiin, "Tunah hian hmalak zel dan tur rélho turin Home department hnenah meeting ko turin rawtna kan thlen a, meeting-ah hian hmalak zel dan tur kan sawiho ang," an ti.