Lirthei chesualah mi 2 an thi

December 10, Thawhlehni zan dar 11 vel khan Mel-9 chhuk, Sihphir Venghlun Presbyterian Kohhran biak-in zâwn kawng thlangah 407 truck MZ-06 8381 a chesual a, mi pahnihin an thi.

YMA, Sihphir Venghlun Branch hruaitute hnen aṭanga Vanglaini thu dawn danin, truck-ah hian hnam dang mipa pathum an chuang a, a khalhtu Aktar Hussain (27) leh Maharul Islam (39), Bagha, Assam ve ve an thi. Lirtheia chuang dang pakhat erawh chu a hliam na lo.

Chetsual thu hriat a nih veleh Sihphir Venghlun khawtlang hruaitute kaihhruaina hnuaiah ruang leh hliam lak chhuah hna thawh a ni a; a hmun a âwih avangin hrui hmanga inkhai thlak niin, zing dar 1:30 velah ruang leh hliamte an la chhuak kim thei.

Aktar Hussain hi chetsualna hmunah a thi a, Mahatrul Islam erawh Synod Hospital panpui niin, zingah a hliam tuar loin a thi. Mitthite hi postmortem an nih hnuah an khua panpui a ni.