FEHCHHUAH PROGRAMME

 Thenzawl Civil Sub-Division chhunga mipui hnen thleng phaka department hrang hrangin hna an thawh theihna tur 'Fehchhuah Programme' chu nimin khan Neihloh community hall-ah buatsaih a ni a, SDO(C) K Lalhlimpuia hoin hun hman a ni.

Thenzawla MRB manager Bobby Zothansangi'n financial literacy campaign a neihpui a, veterinary officer Dr George Martin Lalruattluanga'n ran hri danna lâk chungchang a sawi a, Police Training School lamin criminal law thar pathum an hrilhfiah. 

Thenzawl CHC leh Integrated AYUSH Hospital ten a thlawna inentirna an buatsaih a; AH&Vety department-in Rabies Vaccination Helpdesk an buatsaih bawk.