CYMA-in Krismas thilpek a sem dawn

Central YMA chuan kumin Krismas pualin khawsak harsa te, home leh damdawi-inahte leh Mizorama râltlante hnenah Krismas thilpek atan Rs 31,40,000 a sem dawn.

CYMA-in a ruahman dan chuan, Krismas pualin Mizorama raltlan awmte hnenah ṭanpuina Rs 25,00,000 a sem dawn a; home leh damdawi in hrang hrang hnenah Rs 2,30,000 leh mimal harsate hnenah Rs 10,000 sem a tum a ni.

Home department aṭanga Rs 4,00,000 an dawn aṭangin CYMA chuan Krismas leh kum thar vuakveta Aizawla YMA branch duty-te ei leh in senso phuhrûk nan pawisa sem an tum bawk.

CYMA chuan, Krismas leh kum thar vuakvêta hâlpuah leh hâlmawi hâl lo tura mipui zirtirna uar leh zuala kalpui an tum a; chumi atan chuan ruahmanna chi hrang hrang an siam a, hun remchangah hâlpuah leh hâlmawi zuar vaia hnatlan an tum thu an tarlang.