CYMA leh Social Welfare dept.-in Ruihhlo doa thawhho dan tur sawiho

Social Welfate minister PC Lalthanliana leh Central YMA hruaitute chu nimin khan PC Lalthan­liana pisaah an inkâwm a; ruihhlo ngaite chhan­chhuah kawnga thawhho dan tur an sawiho.

PC Lalthanliana chuan, tlawmngai pawl hrang hrangte leh sorkar chu ruihhlo do kawngah leh ruihhlo bànsan tawhte enkawl zelnaah an thil tum inang mah se, kawng hran ṭheuha hma an lak chuan an thawhrimnate a thlawnin a kal ang tih a hlauhthawnawm thu a sawi a, "Ruihhlo ngai ṭhin sim tumte'n kawng­dik an zawh leh theihna turin kohhran, tlawmngai pawl leh sorkarte’n huang khata hna kan thawhho a ṭul a ni," a ti.

Social Welfare Minister chuan, ruihhlo do kawngah leh ruihhlo ngaite chhanchhuah kawnga Central YMA hmalakna a fak a; CYMA hruaitute chu an hmalakna hrilhhre ṭhin turin a sâwm a ni.

CYMA president Lalbiakzuala leh SRS chairman Vanlalrema Rokhum te pawhin ruih­hlo dona CYMA leh SRS hmalak tawhna leh hmalak mek­nate an sawi a; a theih chin chinah sorkar nena thawhho an duh thu a sawi bawk.