Champhai helipad thar tur siam zo ṭêp

Sesih Tlang, New Champhaia helipad siam mek chu zawh a ni ṭêp tawh a, blacktop hna leh a panna kawngpui blacktop hna zawh a ni tawh.

Champhai helipad siam hna hi December, 2014-ah thawh ṭan a ni a, a siamna atan NLCPR aṭangin cheng nuai 54.6 hmuh niin, thla 12 chhunga hman theiha siam tur a ni. Contractor chuan a thawh tur chin chu rokhawlhna a awm a nih loh chuan June, 2015 hmaa a zawh theih a beisei thu a sawi.