KHAWTHLIR
Session hun
Governor Lt.Gen. Nirbhay Sharma chuan, Mizoram State Legislative Assembly pasarihna session vawi rukna ṭhutkhawm hun atan July 7, 2015 zing dar 10:30 a ruat.
Saiha MO training
National Vector Borne Diseases Control Programme (NVBDCP) buatsaihin nimin khan Saiha district chhunga medical officer-te tan training buatsaih a ni a; Saiha district-a sikserh dinhmun leh harsatna awm thei leh hmasawn dan turte sawiho a ni.
Property Tax
Aizawl Municipal Council chuan June 16, 2015 aṭangin Aizawl khawpuia in leh lo nei zawng zawngte aṭangin Property Tax an la ṭan dawn a; AMC Ward no. I - Durtlang aṭangin an khawn ṭan ang.
Scouts & Guides chief commissioner
Mizoram Bharat Scouts & Guides state chief commissioner atana thlan Zothanmawia, Sports & Youth Services director chu nimin khan SYS directorate conference hall-ah lak luh a ni a, Mizorama Bharat Scouts & Guides state chief commissioner pasarihna a ni.
V/C tharte zirtir
Aibawk RD Block hnuaia khaw 20-a V/C member thlan tharte tan nimin khan Aibawk BDO pisaah training buatsaih a ni a; Aibawk BDO Lalmuanpuia leh a thawhpuite'n RD hnuaia scheme hrang hrang - MGNREGA, IAY, IWMP leh Adhaar chungchangte an zirtir.
MSU thiltih dem
National Students Union of India, Mizoram chuan thuchhuah siamin, Mizo Students’ Union-in sikul hrang hrangah zawhna siama sikul ṭan hma chungchanga ngaihdan an la khawm chu ṭha lo an tih thu an sawi a, "MSU hi sikul ṭan hma dotu pawl an ni a, anni ngaihdan lakkhawm hi a result a lái lo (bias) ang tih kan ring," an ti.