Maxi-cab sawn chhuah kawngah hmasawn

AMC executive councillor (Parking) Rosiamngheta chuan, Rosiamngheta chuan, Aizawl daiféma maxi-cab stand sawn chhuah kawngah hmasawnna an hmu zel tih Vanglaini a hrilh.

Vanglaini palai zawhna chhangin, Rosiamngheta chuan, Champhai maxi-cab te nen an inbe rem tawh a, khawpui daiféma an dinna turah an ding tawh dawn tih a sawi a, "Hetianga Champhai maxi-cab ten ke an pên hi a lawmawm tak zet a ni. Khaw dangte pawhin entawn zel se, an dinna tur bik AMC-in a ruatsak aṭangin chhuak vek thei se a lawmawm hle ang," a ti.

Mi tam takin maxi-cab chhuah danah thil hriat fuh tâwk loh an nei nia sawiin, Rosiamngheta chuan, "Zing dar 6 hmain khawpui chhungah a din theih anga sawi chu a dik lo. Zing dar 6 hmain passenger an lam kual thei a, dar 6-ah chuan khawpui an chhuahsan thei ang tih a ni," a ti a; zing dar 6 thleng Zarkawt emaw, veng lûnlaiah din theih tihna a ni lo tih a sawi.

Rosiamngheta chuan, Aizawl khawpui chhung kawngpui sira dan loa lirthei riah an endik mek chu dan an bawhchhia em tih hriat tumna ni loin, motor registration an tiha an inziah ang ngeia garage-ah ngei lirthei an dah theihna tura hmalakna a nih thu a sawi bawk.