AMC-ah kan arte­lukawn dawn lo : MPCC

Congress party chuan thuchhuah siamin, ZNP president Lalduhoma thusawi an chhang a; Aizawl Municipal Council inthlan­ah Congress party chu an artelukawn dawn lo niin an tarlang.

MPCC chuan, ZNP-in inthlanah tu emaw an thawhpui a, mahse an tling lo nia sawiin, "An party ṭanrualpuite vangah puhin amah hi a inhmu chhuak thei lo a, inthlan lehah chuan kan mal din dawn a ti ziah a, eng inthlanah mah a mal din leh ngai si lo," an ti a; ZNP President chu nakina a thawhpui leh turte rél mekah puhin, party dang rêl vak vak tawh lo tura an duh thu an sawi.