Ruihhlo hralh leh tih khap

Melthum Local Council leh VDP chuan thuchhuah siamin, an khaw ram huam chhung, World Bank road-ah zu leh ruihhlo dangte zawrh leh tih an khap thu an puang a; an khapna thupek hi June 14, 2015 aṭangin khauh lehzualin an kengkawh dawn tih an sawi.

Melthum khawtlang chuan, an ram chhunga ruihhlo tih an phal lohna thupek bawhchhiate chung­ah hremna lek a ni dawn tih an tarlang a; an hremna chuan pawisa chawitir, police kuta hlan leh an lirthei hrênsakte pawh a huam dawn tih an sawi. An khaw ram chhung kawngpui sirah bawlhhlawh leh êk paih an khap thu a puang bawk.