MZP-in ICICI Bank khârsak

MZP chuan nimin khan ICICI Bank, Zarkawta mi chu chhuanlam hrang hrang avangin an khârsak a; mahse chawhnu lamah bank khârsak chu an titawp leh nghal.

MZP chuan, ICICI Bank chu Mizote tan dâwr an harsat ṭhin nia sawiin, "Mizo ṭhalaite tan PMEGP loan an pe duh ngai lo a, student loan an pek ṭhat ngai loh vang te, document fel sa vek pawh chhuanlam siamin loan an pe duh ṭhin lo," an ti a; chungte vang chuan bank chu an khârsak ta niin an sawi.

MZP hruaitute leh ICICI Bank thuneitu sang zawkte chu nimin chawhnu khan an inbia a, ICICI Bank thuneitu lamin Mizo ṭhalai leh zirlai, loan dilte hnenah pek chhuah an intiam avangin bank kharsak chu an titawp ta niin MZP chuan an tarlang.