MLA in Vaivakawn - MZU kawng a tlawh

Nimin khan Aizawl West I bialtu MLA K Sangṭhuama chuan a bialchhung, Vaivakawn leh Mizoram University inkar kawngpui siam meka la siam (blacktopping) zawh loh Ropaiabawk leh Ch Chhunga High School peng inkar a tlawh.

K Sangṭhuama chuan November 2014 a Assembly Session khan House Leader-in helai kawng siam zawh loh km 1.8 chu ṭhal chhunga siam tum a nih thu a hrilh tih sawiin, "Ṭhal chu a zo leh tawh a, mahse hmalak a ni lo," a ti.

Kawng la siam zawh loh chu MZU kawng a nih vang leh helai veng mipuite tan harsatna a nih vangin a thawktu Sunshine Overseas Pvt Ltd. te chu sorkarin sum a batsak a nih pawhin hnathawh leh theih hun hmasa November-ah chuan an sum seng pawha thawkzo turin K Sangṭhuama chuan a ngen.

Sunshine Overseas Pvt Ltd. project director R Lalremsanga chuan hna an thawh chhunzawm theih loh chhan chu an hnathawh tawhna cheng nuai 500 sorkarin a batsak vang a nih thu sawiin, "Khawpui kawng nen kan thawk a, sorkarin sum min batsak ṭhen avangin hna kan thawk chhunzawm thei lo," a ti.

R Lalremsanga sawi danin, Vaivakawn leh Mizoram University inkar kawng, kms 10-a thui siam nan hian cheng vbc10.5 ruahman a ni a, sorkarin cheng vbc 2.5 a pe chhuak tawh.