Lunglei dist-a sikul 56-ah inthiarna chei mek a ni

Nimin khan Lungleia DPO Recreation Hall-ah Lunglei district-a Swacch Bharat Swacch Vidyalaya (SBSV) hnuaia School Management Committee zawng zawngte tan training buatsaih a ni a; Lunglei district-a sikul 56-ah inthiarna chei ṭhat mek a nih thu an tarlang.

Meeting-a tarlan danin, Swacch Bharat Swacch Vidyalaya leh Swacch Bharat Kosh hnuaiah sikula inthiarna chhia leh hmantlak tawh loh siamṭhat mek a ni a; tun dinhmunah sikul inthiarna 56 chei ṭhat mekah pakhat siam nan Rs. 1,80,000 pek a ni.

Hei bakah hian, NEEPCO-in anmahni sum sêngin school toilet 40 an sa mek a; Swacch Bharat Swacch Vidyalaya hnuaiah kum 2015-16 chhungin inthiarna 62 (mipa tan 59 leh hmeichhia tan bik pathum) sak a ni dawn bawk a; pakhat sak nan Rs. 2,10,000 ruahmkan a ni.

Inthiarna sakna tur sum hi School Management Committee hnenah chauh pek tur a ni a, hmun dang emaw thil dang emaw tan pawhpên phal a ni lo.