Polytechnic leh Nursing School enfiah

Parliamentary sec­retary Hmingdailova Khiangte chuan nimin khan Thingdawla Poly­technic leh Nursing School sak mekte a tlawh a; department pahnih aiawhte leh khaw­tlang hruaitute nen a hmun­hmate an enfiah.

Hmingdailova Khiangte chuan, Poly­tech­n­ic leh General Nur­sing & Midwifery zirna tur Nursing School building sak tawha hmun tam takah misualte'n electric wiring an chep chat a, electric wire an ru niin a sawi a, "Sorkar building, khawtlang leh ram tana thil chhenfâk­awm leh ṭangkai la ni tur an suamsam duh hi a Kristian loin a Mizo lo a ni," a ti.

Khawtlang hruaitute chuan, electric wire chep chata rutute chu a ṭhen man an ni tawh a, jail-ah pawh an tàn tawh thu an sawi a; khuatlangin building sakna lai vel chu an veng reng dawn tih parliamentary secretary chu an hrilh.

Thingdawl Poly­technic hi sorkar laipui bultuma sak a ni a, a com­plex chhungah hian building pali – ad­ministrative block, elec­trical trade building block, automobile trade building block leh mul­tipurpose hall-cum-libra­ry building te a awm. Nur­sing School-ah class room awmna main buil­ding leh girls’ hostel buil­ding-te a awm bawk.