MP-in Meiduma oil zawnna hmun a enfiah

Rajya Sabha MP Ronald Sapa Tlau chuan Thawhlehni khan Meidum khuaa ONGC-te'n oil leh gas an zawnna hmun a tlawh a; ONGC hotute chuan an beisei angin oil leh gas hmu mah se, Mizoramin a chhawr theih tur chuan hun a la duh rei tur thu an lo hrilh.

ONGC hotute chuan, oil leh gas an zawn dan kalhmang leh ruahmanna an neihte sawiin, "Tuialhthei leh gas zawn chhuah hna hi hun rei tak duh thil a ni a, hmanhmawh theih a ni lo. Sample kan hmuh angte chu uluk taka zir chhian a ngai a, hmun khata lei verh ringawt aṭangin oil leh gas tam dan chhût theih a ni lo. Hmun eng emaw zat aṭanga sample lak chhuah kan zir chian hnuah a tam dan a chhût theih chauh dawn a ni," an ti.

Rajya Sabha MP hi parliamentary secretary pahnih - K Lalrinthanga leh Hmingdailova Khiangte leh MLA PC Zoram Sangliana ten an ṭawiawm.