Synod-in 'YLA/YMA Thubelh' a hlân

Mizoram Synod chuan kum 1936-1954 chhunga Kristian Tlangaua 'YLA/YMA Thubelh' tia YLA/YMA chanchin chhuah tel ve ṭhin chu a hlawma dah khawmin, lehkhabu an siam a, nimin khan Central YMA hnenah an hlan.

Lehkhabu inhlanna hi Synod Office-ah neih a ni a, Synod executive secretary i/c Archives Rev. VL Luaia Hranleh-in a kaihruai a, Aynod archivist Kennedy Lalhmangaiha'n report a pe. Rev. Dr. H Remthanga'n CYMA general secretary Prof. Malsawmliana hnenah a hlan a ni.

CYMA-in chanchinbu a tihchhuah hma kum 1936-1954 inkar khan Kristian Tlangau chanchinbuah hian 'YLA/YMA Thubelh' tiin YMA chanchin chhuah ṭhin a ni a, chu'ngte chu CYMA chuan a copy Synod-ah an dil a ni. CYMA dilna chu Synod Archives Committee chuan remtiin, 'YLA/YMA Thubelh' tih chuanna Kristian Tlangau bute chu an chilh khawm a, a vaiin phek 1,524 a ni.

Prof. Malsawmliana chuan, Synod Archive-in uluk taka an lo vawn ṭhat YMA chanchin ziahna chu YMA tan a hlut thu leh YMA chanchin chhui letna atana ṭangkai tak tur a nih thu a sawi a, "Kan dilna anga phal taka min petu Mizoram Synod chungah lawmthu kan sawi a, hei hi YMA history tam tak tarlanna pawimawh tak a nih avangin YMA tan chuan a hlu tak zet a ni," a ti.