NEET-ah mi 1,700 vel inlan

India ram pum huapa MBBS leh BDS zir tur thlanna, National Eligibility cum Entrance Test, 2020 (NEET) exam chu nimin khan ram pumah buatsaih a ni a, Mizoramah pawh buatsaih niin, mi 1,700 velin exam an hmachhawn.

NEET exam centre hi Aizawlah hmun panga a awm a, chungte chu - Pachhunga University College, T Romana College, Aizawl North College, NIELIT, Zuangtui leh Kendriya Vidyalaya, Zemab awkte a ni. Mizoram quota-a MBBS leh BDS zir turte pawhin NEET hi an paltlang vek a ngai.

NEET exam hi May thlaa Pathianni hmasa bera buatsaih ṭhin a ni a, kuminah chuan Covid-19 léng vangin sawn a ni. NEET rank sang lama awmte chu state quota kher lo pawhin MBBS leh BDS an zir thei a, all India ranking aṭanga zir pha lote pawhin state quota-in state-a ranking azirin an zir thei a ni.