Covid-19: Mizoram dinhmun Hripui kai tawh zat mi 1,414

Mizoramah Covid-19 vei September 11, Zirtawpni khan mi 26 leh September 12, Inrinni khan mi 35 hmuh chhuah a ni a, Mizorama hripui vei hmuh chhuah tawh zat chu 1,414 a ni. Inrinni leh nimin khan dam tawh mi 40 chhuahtir a ni thung. 

Covid-19 vei dam tawh zinga mi 33 chu September 12, Inrinni khan chhuahtir an ni a; State Referral Hospital (ZMC) aṭangin civil mi 13(mipa 11 leh hmeichhia pahnih), Berawtlanga CCC aṭangin civil mi 11 leh BSF sipai paruk, an vaiin mi 17 (mipa 12 leh hmeichhia 5) leh, Lunglei Pukpui CCC aṭangin civil mi pathum (mipa vek) an ni.

Nimin Pathianni khan mi pasarih chhuahtir leh a ni a; RHF-ZMC aṭangin mi pali, Kolasib DCHC aṭangin mi pakhat leh Kolasib CCC aṭangin mi pahnih an ni.

Mizorama hripui vei hmuh chhuah tawh mi 1,414 zinga mi 830 (58.70%) chu chhuahtir an ni tawh a, la chhuak lo mi 584 (41.30%) an awm. La chhuak lo zingah hripui vei tawh lo an awm nual bawk.