AMC-in LC thar pahnih siam a remti

Aizawl Municipal Corporation (AMC) Board of Corporators (BoC) chu nimin khan AMC BoC Meeting Hall-ah an ṭhukhawm a, Aizawla local council pahnih siam thar rawtna leh AMC budget revised estimate an pawm.

AMC BoC ṭhutkhawm hi mayor Lalrinenga Sailo-in a kaihruai a; local council thar pahnih - Bawngkawn West LC leh Tlangnuam West LC indantira LC thar siam rawtna an pawm a ni.

Executive corporator i/c Cash & Accounts Lalringliana'n AMC budget revised estimate 2024-25 cheng nuai 11,565.30 a pharh a, lungrual takin an pawm. Financial year kal meka AMC budget revised estimate hi budget estimate 2024-25 cheng nuai 11,518.40 aiin cheng nuai 46.90-in a tam zawk.

AMC BoC Meeting chuan Aizawla parking area felfai zawkna tura ruahmanna, parking demarcation siam rem rawtna an pawm bawk.