Khâmah pa pakhat a tla hlum

V Lalruathlua (43), Hmunṭha, Serchhip district chu Thawhṭanni zanlai pelh hnu, nimin zing lam dar 1:30 vel khan Melthum daia metre 120 vela sang khâmah a tla a, a hmunah a thi.

Thu dawn danin, V Lalruathlua hi a chhungte nen Aizawla bazar tur leh chawhmeh dah turin lirtheiin Aizawl an pan a; Melthum dáia kawngpui sir tuihawk luankawra maxicab táng hnuh chhuah tum mekte chu pui turin an ding a, an chêt velnaah chesualin khâmah a tla a ni.

V Lalruathlua hi a tlak hnuah a hmuna awmte'n buaipui nghal mah se, khâm a awih avangin Quick Response Team an pun a, QRT-te'n nimin zing dar 4:30 vel khan an hmu a, zing dar 6 velah an la chhuak a ni.