Trade and Investment Roadshow

Ministry of Development of North Eastern Region (DoNER) chuan December 16, Thawhṭanni khan Mumbai-a Taj Mahal Palace Hotel-ah North East Trade and Investment Roadshow an buatsaih a; Mizoram sorkara Planning joint secretary Chingthanmawii Guite, sorkar official dang pathum leh startup sector aṭangin mi pahnih an tel.

Roadshow-ah hian Union Communications & DoNER minister Jyotiraditya M Scindia, Tripura chief minister Prof. Dr Manik Saha, Meghalaya chief minister Conrad K Sangma te, sorkar laipui hotu te, hmarchhak state pariat aiawh team-te leh, Mumbai leh a chehvela investor 100 chuang an tel.

Chingthanmawii Guite hian Mizorama investment tih theihna hrang hrang a tarlang a ni.