Statistical Bulletin tlangzarh

Kolasib district bawrhsap Robert C Lalhmangaiha chuan December 16, Thawhṭanni khan Kolasib District Research Officer buatsaih ‘Kolasib District Quarterly Statistical Bulletin, September Quarter 2024’ a tlangzarh.

Bulletin-ah hian July-September, 2024 inkara Kolasib district-a thil thleng hrang hrang tarlan a ni. Tarlan danin, July-September chhungin Kolasib district-ah nau piang 353 awmin, mipa 172 leh hmeichhia 181 an ni a; mi 147 an thi a, mipa 83 leh hmeichhia 64 an ni. Mitthite thih chhan tam zual chu - cancer vanga thi mi 22, thi thut mi 18, thin (liver) ṭha lo vanga thi mi 18 an ni.