Saitual District Veterinary Hospital hawng

Saitual District Veterinary Hospital thar chu nimin khan Animal Husbandry & Veterinary Department minister C Lalsawivunga'n a hawng.

AH&Vety Minister chuan, sorkar hmasain bul a lo ṭan tawh Saitual District Veterinary Hospital bakah, laboratory building leh veterinary officer quarters hawn a ni chu lawmawm a tih thu a sawi a; Mizote chu ran vulh mi an ni tih sawiin "AH&Vety department hi Mizote tan department pawimawh leh ṭangkai tak a ni," a ti.

C Lalsawivunga chuan, Mizoram chu ran chaw, artui leh sa thianghlim lamah a intodelh lo hle tih a sawi a; Vety Hospital thar chu Saitual district mipui tan chhenfâkawm a nih theih nan ṭha taka thawk turin thawktute a fuih bawk.

Saitual District Veterinary Hospital hawnnaah hian AH&Vety department hotu te, Saituala sorkar department hrang hranga hotu te, kohhran, khawtlang leh tlawmngai pawlte hruaitute an tel a ni.