CIJWS-ah dan inzirtirna hun hmang

Kolasib District Legal Services Authority (DLSA) chuan nimin khan Counter Insurgency and Jungle Warfare School, (CIJWS), Vairengteah dan lam inzirtirna, Legal Awareness Campaign an huaihawt.

CIJWS Pratap Hall-a legal awareness-ah hian Kolasib chief judicial magistrate leh DLSA secretary Cacy Malsawmtluangi Ralte-in Legal Services Act leh criminal law thar pathum chungchang a zirtir a; CIJWS aṭang hian sipai 400 vel an tel.

Kolasib DLSA hian December 16, Thawhṭanni khan TNT, Kolasib-ah Legal Awareness Campaign an buatsaih bawk a; Krismas thilpek atan buhfai, alu, bekang sa leh têl eng emaw zat an hlan a ni.

Kolasib DLSA hian December 16 vêk khan Kolasib District Jail-ah Krismas pualin buhfai, bekang leh têl eng emaw zat bakah, volleyball an pe bawk.