R Lalzirliana'n ambulance a pe

Minister R Lalzirliana chuan, MLA fund aṭanga a lei ambulance (Eeco) chu a bial Ṭawi constituency chhunga Thingsulthliah damdawi-in (PHC) tan Inrinni khan a hlan.

Ambulance hlanna inkhawm, damdawi-in tuala neihah R Lalzirliana chuan, kuminah hripui a lên avangin MLA fund chu ṭum dang leh kum dang anga mipui mamawh ngaihtuah chunga inhlawhna siam te, khaw bil mamawh leh cheibâwl nan hman a inthlahrunawm thu a sawi a, "Sum awm ang angte chu hripui dona kawngah a ṭul apiang lei nante hman ṭangkai a ṭha tih ngaihtuahna sêng chungin ambulance hi lei a ni," a ti.

Ambulance thar hi Rs. 6,00,000 vel man a ni a, Aizawlah partial lockdown kalpui mek a nih avangin registration tihfel la ni lo mah se, mipui mamawhna a sân avangin nimin khan a hlân a ni.