LMC kutah birth & death registration

Lunglei Municipal Council (LMC) chuan nau piang leh mitthi chhinchhiah (birth & death registration) mawhphurhna a la dawn a, hei vang hian nimin khan LMC hotute pualin LMC BoC Hall-ah training buatsaih a ni a, LMC chairman Lalzuithanga'n a hawng.

Zirhona hi LMC chief executive officer Donny Lalruatsanga'n a kaihruai a; Economic & Statistics deputy director Vanlalrengi'n Registration of Births and Deaths Act, 1969 bakah, birth certificate leh death certificate pek dawna fimkhur ṭulnate leh hriat tur dangte a sawifiah a, zawhna leh chhanna leh sawihona hun hman a ni bawk.

LMC hnenah kum 2025 aṭangin LMC huam chhunga nau piang leh mitthi chhinchhiah mawhphurhna hlan a ni dawn a, LMC secretary Lalrinawma chu deputy registrar atan sorkarin a ruat tawh a ni.