Governor leh MLA inkâwm

Governor Dr Hari Babu Kambhampati leh Aizawl South III bialtu MLA Baryl Vanneihsangi chu nimin khan Raj Bhavan-ah an inkâwm a, centrally sponsored scheme, social security scheme leh pawimawh dangte mipuite'n an chhawr ṭangkai theih dan tur an sawi dun.

Governor chuan, mipuite'n an tana ham­ṭhatna awmte an hriat chian lehzual a, an chhawr ṭangkai ngei theih nan ṭan lak a ṭul thu a sawi a; amah pawh MLA leh MP a lo nih tawh ṭhin thu sawiin, mipui rawngbawl chu dah pawimawh bera neih a ṭul thu a sawi bawk.

Baryl Vanneihsangi chuan, sorkar laipui kal­tlanga mipui tana ham­ṭhatna duante hriat chian zel a duh thu leh, mipuiin an hlâwkpui theih nan ṭan lak a tum thu a sawi a ni.