Governor leh SBI hotute inkâwm

Governor Dr Hari Babu Kambhampati leh Silchar-a State Bank of India deputy general manager Neeraj Kapoor chu nimin khan Raj Bhavan-ah an inkâwm. Larsap chuan, Mizoram mipui bank account nei zingah social security scheme-a inziak lut an tlem lutuk chu veiawm a tih thu a sawi.

Dr Hari Babu Kambhampati chuan, Mizoram mipui bank account nei zingah social security scheme-a inziak lut an tlem lutuk a vei thu sawiin, "Mudra loan leh mipui tana duan scheme-ahte a mamawhtute ṭanpuina a ni tih rilru puin bank-te'n loan tam zawk in pek a ngai. Banking sector-ah hmasawnna tam tak a thleng a, hengte hi hmang thiam tura mipuite hnena zirtirna kalpui uar deuh deuh a ṭul," a ti.

Neeraj Kapoor leh SBI Aizawl regional manager Hubert SZ Khobung te chuan social security scheme bakah scheme pawimawh tak takte mipuite'n an chhawr ṭangkai theih nan theihtawp an chhuah tur thu Governor an hrilh a ni.