Tui sem dan tur ruahman

PHE site office, Thakthing Venga thawk pakhatin Covid-19 a vei avangin Aizawla veng panga - Thakthing, Damveng, Kulikawn, Venghnuai leh Salem Veng local task force-te chuan nimin khan tui sem dan turah ruahmanna 

an siam.

Veng pangate chuan, tui semtute hun hman dan chhui chian a nih hnuah PHE site office-a tui semtute chu home quarantine-a awm thei an ni tih an tarlang a, "Tui semtute'n hna an thawh theih loh chuan, Thakthing tuizemin a châwm vengte'n harsatna kan tâwk thei dawn a ni," an ti.

    PHE tui semtute'n a hun pangngaiah tui an sem ang a, an semna tur area zelah an sem chhung chu mipuite páwna chhuak lo tura hriattir an ni ang. An semna tur area chu an sem hmain LTF-ah an hriattir zel tur a ni.

    Tui semtute awm zel dan tur chu PHE department hotute kutah dah a ni a, anni'n ruahmanna an siam ang. Tui semtute himna leh mipui himna tur chu LTF-te'n an ngaihtuahpui ang.

    Tui semtute ei leh in tur pawh LTF-te'n an ngaihtuah sak ang a, an kal lam leh haw lam chu PHE department-in an buaipui thung ang.

    Tui semtute hi veng hrang hranga awm an nih avangin, an awmna veng LTF-ah chhuah phalna dilsak a ni ang.