Meth mûm 1,09,800 man

Champhaia Custom department leh Assam Rifle-te chuan nimin khan Champhai chhehvelah joint operation an nei a, Zokhawthar Vengtharah Methaphetamine mûm 1,09,800 leh a neitua puh an man.

Assam Rifles thuchhuah chuan, Methaphetamine an man chu cheng nuai 384 vel hû a nih thu leh, ruihhlo chu chhui zui turin a kaihhnawih department hnenah an hlan thu a tarlang a; Mizoram chu ruihhlo tawlhrukna kawng a nih avangin, Myanmar lam aṭanga ruihhlo tawlhruk ṭhinte tihtawp tumin theihtawp an chhuah mek zel thu a tarlang bawk.