Police-in halpuah leh halmawi Cheng nuai 21.82 hû an man tawh

Aizawl Police Station-a police-te chuan December 18, Nilaini tlai khan roll caps leh wrinkle sound Rs 23,755 hu an man a; hengte nen hian kumin chhungin Mizoram Police-te chuan halpuah leh halmawi cheng nuai 21.82 hû an man tawh.

Aizawl PS-a thawkte hian Zarkawta Moinul Hoque (29) s/o Asaddar Ali, Karimganj, Assam-in dawr leh chenna atana a luah aṭangin Rs 29,550 hû rolls cap báwm 33 leh Rs 23,755 hû wrinkle sound báwm 10 an man a; Moinul Hoque lakah thubuai an ziak lut.

Kumin chhung hian district pangaah halpuah leh halmawi man a ni tawh a, district dang parukah chuan man tur hmuh a ni lo. Halpuah leh halmawi kaihhnawihah hian mi 12 man an ni a, mi pahnih thubuaiah chuan police-in an chhuina report (chargesheet) court-ah an thehlut tawh a ni.