Sorkar doctor, private-a thawk leh clinic neite tan NPA lak theih a ni dawn lo

Department of Personnel & Administra­tives Reforms (DPAR) chuan December 18, Nilaini khan Mizoram Health Service (Amend­ment) Rules, 2024 a tichhuak a; sorkara thawk doctor, private hospital-a thawk tel leh clinic nei tan non-practising allowances (NPA) lak thei a ni tawh dawn lo.

Mizoram Health Service (Amendment) Rules, 2024 hi January 2025-ah hman ṭan tur a ni a, hman a nih aṭang chuan sorkar hnuaia thawk doctor-te chuan private hospital-ah an thawk tel emaw, clinic an nei emaw a nih chuan NPA an lak a rem tawh dawn lo. NPA la duhte tan chuan private hospital-a thawh tel emaw, clinic hawn emaw phal a ni dawn lo a ni.

NPA LA THEI LO TURTE

■ Private medical clinic emaw, hospital emawa râwn tura ṭhu leh damlo enkawlte.

■ Sorkar hna an thawhna piah lama mi zai emaw, a kaihhnawih dang tite.

■ Mimal tana tele-medicines kaltlanga râwn theiha awmte.

■ Medical clinic, hospital, pharmacy, diagnostic laboratory leh a kaih­hnawih thil dang mahni sumdawnna atana hmangte.

■ Medical practice tihnaa mimal tana hlâwkna anmahni dawrtute hnen aṭanga late.