LSC nei kher loa ram neitu nih theihna tur record of right (RoR) duan mek a ni

Land Revenue & Settlement (LRS) department chuan LSC nei kher loa ram neitu nih theihna tur record of right (RoR) an duang mek a, Revenue Court neih dan an dap chho mek bawk.

Chief minister Lalduhoma hoa nimina Land Revenue & Settlement department hnathawh dan thlir letnaah LRS hotute chuan, LSC nei kher loa ram neitu nih theihna record of right (RoR) an duan mek thu an sawi.

RoR computerize theih an neih zawng zawng 3,59,331 chu an computerise vek tawh thu te, digitally signed property card 1,155 an pek tawh thu te, cadastral survey an neih tawhna geo reference nei vek, Unique Land Parcel Indentification Number an pek theih tawh 94,154 a awm thute an sawi bawk.

LRS department hotute chuan, Mizoram hmun thuma ṭhena hmun khat pawh survey a la nih loh thu an sawi a, "Land registration hi state dangte sum hnâr lian tak a ni a, Mizoram sum hnâr lian takah chantir ve tum a ni. Kumin November 5-a hawn e-Ram chu common service centre aṭanga dawr theih tura tihfel thawkhat a ni tawh," an ti a, kum 2025 aṭang chuan e-Ram chu uar zawka hman an tum thu an sawi.

THLIRLETNAA TARLANTE

☑ Cadastral survey kalpui a nih hmaa survey neih tawhna ramte chu cadastral survey neih nawn leh vek a ngai.

☑ Aizawl, Lunglei, Champhai leh Serchhip district-te re-survey zawh tawh a ni a, Kolasib, Mamit leh Saitual re-survey fund nghah mek a ni.

☑ Kum 2022-23 khan AMC area tan online tax payment kalpui ṭan a ni a, financial year 2025-26 aṭangin district zawng zawngah kalpui a ni dawn.

☑ Land valuation rate hman lai chu kum 10 liam taa siam a ni tawh a, ngaihtuahna thar nei leh mek.

☑ Stamp & Registration Fee aṭangin April-November, 2024 chhungin cheng vbc 8.58 hmuh a ni.

☑ Revenue Court neih dan dap chhoh mek a ni.