Sorkarin Mizoram mipui mamawh khawp buhfai a nei lo - MNF Ṭhalai

MNF ṭhalaite chuan sorkarin Mizoram mipui mamawh khawp buhfai a nei lo nia sawiin, "He kalphung thar sorkar hian, kalphung thar ringawt ni loin, kalphung ṭha leh dik hmangin min hruai zawk teh se," an ti.

MNYF chuan, buhfai chu Mizote chaw pui ber a nih avangin dah pawimawh a ngai tih sawiin, "Tunah hian Aizawl khawpuiah thla chawhnu lamah buhfai pek chhuah ṭan chauh a ni a, retailer ṭhenkhatah chuan buhfai an sem mek chu mipuiin an la inchan lo hle," an ti a, chutih laiin Zuangtui kudamah buhfai a awm tawh lo niin an sawi.

Mizoram buhfai mamawh chu Food Corporation of India aṭangin a zat ve vel a tlâwma lei a ni a, a bâk zawng chu open market aṭangin LZ Juice-in an lei khawm tih sawiin MNYF chuan, "Kudam chhungah LZ Juice buhfai supply bag ṭial rek ruk, eng grade nge a nih pawh hriat loh a awm a, heng buhfai grade C ni âwm takte hi retailer tu mahin an phurh chhuah duh loh thu an sawi," an ti a; sorkar chu sum siamna atan buhfai hmangah an puh.

MNF ṭhalaite chuan, FCI hotute an biaknaah, FCI lam chuan thla tir aṭangin RO an siam theih reng thu leh an hnena thleng an tihkhawmuan ngai loh thu an sawi niin an tarlang a, "Kan sorkar hian buhfai man a lêta a tihto hnuah pawh buhfai leina tur sum a nei lo fo niin a hriat a, buhfai thla tawp dâwn lama a sem thei chauh a, mipui duh khawp buhfai an chhêk khâwl hlei thei ta lo," an ti.